Xəbərlər

ADNSU məzunları üçün keçirilən “Məzun Günü 2026” xoş anlarla yadda qalıb

İyunun 23-də Bakı Kristal Zalında Azərbaycan Dövlət Neft və Sənaye Universitetinin (ADNSU) “Məzun Günü 2026” tədbiri keçirilib. Universitetin məzunları, tələbələri, professor-müəllim heyəti, dövlət rəsmiləri və tərəfdaş qurumların nümayəndələrinin iştirak etdiyi tədbir məzunların ali təhsil həyatına yekun vuraraq yeni mərhələyə qədəm qoymalarına həsr olunub.

Tədbir Azərbaycan Respublikasının Dövlət Himninin səsləndirilməsi və Vətən uğrunda canlarından keçmiş şəhidlərin xatirəsinin bir dəqiqəlik sükutla yad edilməsi ilə başlayıb.

ADNSU-nun rektoru, dosent Rüfət Əzizov açılış nitqi ilə çıxış edərək universitetin inkişaf istiqamətlərindən, müasir təhsil sisteminin qurulması istiqamətində həyata keçirilən yeniliklərdən, eləcə də ADNSU-nun beynəlxalq reytinqlərdə yüksələn dinamika ilə əldə etdiyi uğurlardan danışıb. Rektor çıxışı zamanı universitet tələbələrinin qazandıqları nailiyyətlərdən və məzunların ölkənin sosial-iqtisadi inkişafına verdiyi töhfələrdən də bəhs edib. O bildirib ki, iqtisadiyyatın müxtəlif sahələrində, istehsalat müəssisələrində, eləcə də ölkənin neft-qaz sektorunda əvvəlki illərdə olduğu kimi, bu gün də ADNSU məzunlarına yüksək tələbat mövcuddur. Rektor qeyd edib ki, məzunların işlə təmin olunma göstəricisi 96 faiz təşkil edir. Sonda o, məzunları təbrik edib, onlara gələcək fəaliyyətlərində uğurlar arzulayaraq ADNSU-nun adını daim yüksəklərdə saxlayacaqlarına inandığını bildirib.

Daha sonra 2025/2026-cı tədris ilinin əsas nailiyyətlərini əks etdirən qısa videoçarx nümayiş olunub. Videoçarxda universitetin tədris, elm, innovasiya, beynəlxalq əməkdaşlıq və tələbə həyatı ilə bağlı mühüm məqamlar təqdim edilib.

Tədbirdə Azərbaycan Respublikasının gənclər və idman naziri Fərid Qayıbov çıxış edərək gənclərin inkişafında ali təhsilin əhəmiyyətindən danışıb, məzunların əldə etdikləri bilik və bacarıqları ölkənin inkişafına yönəltmələrinin vacibliyini vurğulayıb. Nazir məzun olmaları münasibəti ilə gəncləri təbrik edərək onlara uğurlar arzu edib. 

Azərbaycan Respublikası elm və təhsil nazirinin müavini İdris İsayev isə çıxışında ölkədə həyata keçirilən təhsil islahatlarından, universitetlərin qarşısında duran yeni vəzifələrdən və gənc mütəxəssislərin əmək bazarındakı rolundan bəhs edib. O, məzunlara gələcək karyeralarında uğurlar arzulayıb.

Nəsimi Rayon İcra Hakimiyyətinin başçısı Tahir Budaqov çıxışında gənclərin ölkənin inkişafında mühüm rol oynadıqlarını qeyd edib və məzunları təbrik edib.

BP şirkətinin Xəzər regionu üzrə xarici əlaqələr və kommunikasiya üzrə vitse-prezidenti Bəxtiyar Aslanbəyli isə universitet–sənaye əməkdaşlığının əhəmiyyətini vurğulayaraq, ADNSU məzunlarının enerji sektorunda uğurla fəaliyyət göstərdiklərini diqqətə çatdırıb.

Rəsmi hissədə müxtəlif sahələrdə fərqlənən tələbələr mükafatlandırılıb, ənənəvi “İlin məzunu estafeti” təqdim olunub. Həmçinin, 2025/2026-cı tədris ilində ən yüksək qiymət ortalaması ilə fərqlənən üç məzuna – Murad Bağırzadə, Taisiya Kudryavtseva və Nigar Əzimovaya xüsusi hədiyyələr təqdim edilib.

Tədbir bədii hissə ilə davam edib. ADNSU-nun “Gənclik” Mahnı və Rəqs Ansamblının təqdim etdiyi “Məhsul” rəqsi, UFAZ-ın özfəaliyyət qrupunun musiqi nömrələri və ADNSU-nun əcnəbi tələbələri tərəfindən səsləndirilən “Azərbaycana gəlsin!” adlı şeir iştirakçılar tərəfindən maraqla qarşılanıb.

“Məzun Günü 2026”nın musiqili qonaqları Xalq artisti Miri Yusif və müğənni Murad Arif olub. Onların ifaları tədbir iştirakçıları tərəfindən böyük coşqu ilə qarşılanıb.

ADNSU-da 15 İyun-Milli Qurtuluş Gününə həsr olunmuş tədbir keçirilib

İyunun 12-də Azərbaycan Dövlət Neft və SənayeUniversitetində (ADNSU) universitetin nəzdində fəaliyyətgöstərən Heydər Əliyev Məktəbinin təşkilatçılığı ilə 15 İyun – Milli Qurtuluş Gününə həsr olunmuş “Nüfuzlu Liderin böyükxilaskarlıq missiyası” adlı tədbir keçirilib.

Tədbir Azərbaycan Respublikasının Dövlət Himnininsəsləndirilməsi ilə başlayıb. Daha sonra Ulu Öndər Heydər Əliyevin və Azərbaycanın müstəqilliyi, ərazi bütövlüyü uğrundacanlarından keçmiş şəhidlərin əziz xatirəsi bir dəqiqəlik sükutlayad edilib.

Tədbirdə açlış nitqi ilə çıxış edən ADNSU-nun rektoru, dosentRüfət Əzizov bildirib ki, 15 İyun – Milli Qurtuluş GünüAzərbaycan dövlətçiliyinin xilası və gələcək inkişafının əsasınınqoyulduğu mühüm tarixi mərhələdir. O qeyd edib ki, Ulu ÖndərHeydər Əliyevin uzaqgörən siyasi fəaliyyəti nəticəsində ölkədəsabitlik bərqərar olunub, dövlət idarəçiliyi möhkəmləndirilib vəAzərbaycanın davamlı inkişafının strateji istiqamətlərimüəyyənləşdirilib. Rektor vurğulayıb ki, Milli Qurtuluşideyaları bu gün də ölkənin tərəqqisinin və milli həmrəyliyinəsas dayaqlarından biri olaraq qalır.

Daha sonra ADNSU-nun Tədris məsələləri üzrə prorektoru, YAP “Azadlıq Prospekti – 20” ünvanı üzrə ərazi partiyatəşkilatının sədri, dosent Rza Məmmədov, Azərbaycan Milli Elmlər Akademiyası Azad Həmkarlar İttifaqının sədri, Fəlsəfəvə Sosiologiya İnstitutunun aparıcı elmi işçisi, dosent SənanHəsənov və ADNSU-nun Humanitar fənlər kafedrasının dosentiYaşar Əhmədov çıxış edərək Milli Qurtuluş GünününAzərbaycanın müasir tarixində müstəsna yer tutduğunubildiriblər. Çıxışlarda qeyd olunub ki, 1993-cü ildə ölkədəyaranmış mürəkkəb ictimai-siyasi vəziyyətdə xalqın təkidlitələbi ilə hakimiyyətə qayıdan Ulu Öndər Heydər Əliyev dövlətmüstəqilliyini qoruyaraq ölkəni parçalanma və vətəndaşqarşıdurması təhlükəsindən xilas edib. Çıxışlarda o da vurğulanıb ki, həmin dövrdə atılan qətiyyətli addımAzərbaycanın siyasi sabitliyinin, iqtisadi inkişafının vəbeynəlxalq nüfuzunun möhkəmlənməsinə zəmin yaradıb.

Daha sonra ADNSU nəzdində Heydər Əliyev Məktəbinindirektoru Sənan Hüseynov çıxış edərək Milli Qurtuluş Günününtəkcə tariximizin mühüm dönüş nöqtəsi deyil, həm də milli birliyin təmin olunmasının və ölkənin inkişaf strategiyasındagənclərin rolunun və formalaşmasının əsasının qoyulduğunubildirib.

Daha sonra iştirakçılara 15 İyun – Milli Qurtuluş Gününə həsrolunmuş videoçarx nümayiş etdirilib.

Tədbir çərçivəsində ADNSU-nun Kitabxana İnformasiyaMərkəzinin təşkilatçılığı ilə 15 iyun – Milli Qurtuluş Gününəhəsr olunmuş “Nüfuzlu liderin böyük xilaskarlıq missiyası” adlıkitab sərgisi də təşkil olunub. Sərgidə Ümummilli Lider Heydər Əliyevin 1993-cü ildə xalqın təkidli tələbi ilə ölkə rəhbərliyinəqayıtdıqdan sonra dərin ictimai-siyasi böhranın və vətəndaşmüharibəsi təhlükəsinin aradan qaldırılması, müstəqilliyimizinqorunub saxlanılması, dövlət quruculuğunun təməlininqoyulması, eləcə də Azərbaycan dövlətinin qurulması vəinkişafındakı müstəsna rolu barədə, həmçinin onun fəaliyyətidövründə həyata keçirilən ictimai-siyasi, sosial, iqtisadi, elmi vəmədəni yeniliklərdən bəhs edən 40-dan çox nəşr nümayişolunub.Sərgidə həmçinin ADNSU-nun professor-müəllimheyətinin müəllifi olduğu kitablar da yer alıb.

ADNSU-da Respublika Fənn Olimpiadalarının təbiət fənləri üzrə qalibləri mükafatlandırılıb

Azərbaycan Dövlət Neft və Sənaye Universitetində (ADNSU) Respublika Fənn Olimpiadalarının təbiət fənləri üzrə qaliblərinin mükafatlandırılması mərasimi keçirilib.

Tədbir Dövlət himninin səsləndirilməsi ilə başlayıb.

Açılış mərasimində elm və təhsil nazirinin müavini Həsən Həsənli və ADNSU-nun rektoru Rüfət Əzizov çıxış ediblər.

Elm və təhsil nazirinin müavini Həsən Həsənli olimpiada qaliblərini təbrik edərək onların gələcəyin alimləri, ölkənin inkişafına töhfə verəcək, yeni kəşflərə imza atacaq və cəmiyyətin tərəqqisində mühüm rol oynayacaq gənclər olduğunu vurğulayıb.

Həsən Həsənli qeyd edib ki, son illər Respublika Fənn Olimpiadalarının qaliblərinin nüfuzu həm ölkə daxilində, həm də beynəlxalq müstəvidə daha da artıb. Nazir müavini çıxışında qaliblərin gələcək fəaliyyətinə də toxunaraq bildirib ki, onların bu gün nümayiş etdirdiyi bilik, bacarıq və keyfiyyətlər gələcək uğurlarının əsasını təşkil edir.

ADNSU-nun rektoru, dosent Rüfət Əzizov çıxışındaqalibləri təbrik edərək, bu il respublika fənn olimpiadalarında ölkənin müxtəlif məktəblərindən 70 mindən çox şagirdin iştirak etdiyini diqqətə çatdırıb. Rektor qeyd edib ki, bu göstərici Azərbaycanda güclü olimpiada hərəkatının formalaşmasının, şagirdlərin bilik yarışlarına marağının, müəllimlərin onların hazırlığına göstərdiyi diqqətin və məktəblərdə bu istiqamətdə yaradılan inkişaf mühitinin bariz göstəricisi kimi dəyərləndirilə bilər. Rüfət Əzizov həmçinin vurğulayıb ki, əgər bir vaxtlar beynəlxalq olimpiadalarda medal qazanmaq böyük hadisə kimi qiymətləndirilirdisə, bu gün Azərbaycan şagirdlərinin beynəlxalq arenada əldə etdikləri uğurlar artıq gözlənilən nəticəyə çevrilib. O bildirib ki, bu nailiyyətlər təsadüfi deyil, təhsil sahəsində uzun illər ərzində həyata keçirilən sistemli və məqsədyönlü fəaliyyətin məntiqi nəticəsidir.

Tədbirin rəsmi hissəsindən sonra təbiət fənləri üzrə qaliblərə mükafatlar təqdim edilib.

Qeyd edək ki, 2025/2026-cı tədris ili üzrə keçirilən Respublika Fənn Olimpiadalarında ümumilikdə 73 193 nəfər şagird iştirak edib. İştirakçı aktivliyi daha çox riyaziyyat (20 026 nəfər) və Azərbaycan dili və ədəbiyyat (18 835 nəfər) fənləri üzrə müşahidə olunub. Fizika fənni üzrə isə 4 389 nəfər iştirak qeydə alınıb.

İştirakçıların 40 269 nəfəri qız, 32 924 nəfəri oğlan olub. Olimpiadada ümumilikdə 94 nəfər qızıl, 169 nəfər gümüş və 257 nəfər bürünc medal qazanıb.

Respublika Fənn Olimpiadaları nədir?

Respublika Fənn Olimpiadaları hər tədris ilində bir dəfə olmaqla Elm və Təhsil Nazirliyinin müvafiq əmrinə əsasən keçirilən elm yarışıdır. Olimpiada məktəb mərhələsi, rayon (şəhər) mərhələsi, respublika mərhələsinin yarımfinal və final turları olmaqla dörd mərhələdə təşkil edilir.

Respublika Fənn Olimpiadaları Azərbaycan dili və ədəbiyyat, tarix, coğrafiya, riyaziyyat, fizika, kimya, biologiya və informatika olmaqla 8 fənn üzrə keçirilir və yalnız VIII–XI sinif şagirdlərini əhatə edir.

Olimpiada proqramı məktəb proqramı ilə məhdudlaşmır. Müvafiq proqram tədris ilinin əvvəlində təhsil idarələri vasitəsilə məktəblərə göndərilir və ARTİ-nin rəsmi saytı üzərindən yerləşdirilir.

Nazirlər Kabinetinin müvafiq qərarına əsasən, Respublika Fənn Olimpiadalarının qalibləri ali təhsil müəssisələrinin bir sıra ixtisaslarına müsabiqədənkənar qəbul olmaq hüququ qazanırlar.

ADNSU rektoru Ümumdünya Şəhərsalma Forumunda dayanıqlı inkişaf mövzusunda paneldə çıxış edib

Ümumdünya Şəhərsalma Forumu çərçivəsində keçirilən “Su-Ağıllı Şəhərlər: Potensialın İnkişafı Vasitəsilə Şəhər Dayanıqlığının Gücləndirilməsi” mövzusunda ekspert panelində Azərbaycan Dövlət Neft və Sənaye Universitetinin (ADNSU) rektoru, dosent Rüfət Əzizov universiteti təmsil edib.

Panel çərçivəsində şəhər dayanıqlığı, su idarəçiliyi, iqlim dəyişikliklərinə adaptasiya, ağıllı şəhər yanaşmaları və bu sahədə insan kapitalının inkişafı ilə bağlı mühüm məsələlər müzakirə olunub. Rüfət Əzizov çıxışı zamanı ADNSU-nun son illərdə dayanıqlı inkişaf hədəfləri istiqamətində həyata keçirdiyi beynəlxalq proqram və təşəbbüslər barədə məlumat verib.

Qeyd olunub ki, ADNSU və Strasburq arasında həyata keçirilən ikili diplom magistratura proqramı su resurslarının idarə olunması sahəsini əhatə edir. Eyni zamanda Böyük Britaniyanın Vorvik Universiteti ilə birgə həyata keçirdiyi ikili diplom magistratura proqramı alternativ enerji resursları istiqamətində ixtisaslaşmış kadr hazırlığını hədəfləyir.

Paneldə həmçinin ADNSU-nun “United Arab Emirates University” ilə həyata keçirdiyi 5 tədqiqat layihəsi və Oksford Universiteti ilə əməkdaşlıq çərçivəsində universitetin “Global Climate Challenge” müsabiqəsində iştirakı barədə də məlumat verilib. Bildirilib ki, sözügedən müsabiqəyə dünyanın 70 ölkəsindən 2000-dən çox layihə təqdim olunub.

Forum çərçivəsində təşkil olunan beynəlxalq sərgidə ADNSU-nun stendi də növbəti gün ziyarətçilərin böyük marağı ilə qarşılanıb. Müxtəlif ölkələrdən olan qonaqlar, ekspertlər və iştirakçılar universitetin innovasiya ekosistemi, beynəlxalq əməkdaşlıqları və tələbə təşəbbüsləri ilə yaxından tanış olublar.

Sərgidə nümayiş olunan layihələrdən biri ADNSU-nun Biznes Administrasiyası proqramının II kurs tələbəsi İsmayıl Hacıyevin təsis etdiyi “AIRT” (Azerbaijan Intelligent Robotics Technologies) startapıdır. Layihə neft və qaz sənayesində təhlükəli sahələrdə avtonom inspeksiya proseslərinin həyata keçirilməsi üçün robot texnologiyalarının tətbiqini nəzərdə tutur.

Forum çərçivəsində təqdim olunan digər layihə isə ADNSU-nun İnformasiya Təhlükəsizliyi fakültəsinin I kurs tələbəsi Arzu Balakişiyevanın müəllifi olduğu “Green Ozone” layihəsidir. Layihə günəş enerjisi ilə işləyən smart ozonator vasitəsilə suyun təmizlənməsini təmin edən innovativ və ekoloji yönümlü həll modeli təqdim edir.

ADNSU “WUF13”də gələcəyin texnologiyalarını təqdim edir

World Urban Forum 13 çərçivəsində təşkil olunan beynəlxalq sərgidə Azərbaycan Dövlət Neft və Sənaye Universiteti (ADNSU) innovasiya, texnologiya və dayanıqlı inkişaf istiqamətində həyata keçirdiyi təşəbbüslərlə təmsil olunur.

Dünyanın 180 ölkəsindən dövlət rəsmilərini, beynəlxalq təşkilat nümayəndələrini, ekspertləri, investorları, akademik dairələri və minlərlə iştirakçını bir araya gətirən forum şəhərsalma, dayanıqlı inkişaf və gələcəyin şəhərləri mövzusunda dünyanın ən nüfuzlu beynəlxalq platformalarından biri hesab edilir. Bakı şəhərinin ev sahibliyi etdiyi forum çərçivəsində ADNSU da öz stendi ilə iştirak edərək universitetin innovasiya potensialını, tələbə təşəbbüslərini və texnoloji həllərini beynəlxalq auditoriyaya təqdim edir.

Universitetin stendində ziyarətçilərə məlumat verilməsi məqsədilə ADNSU-nun İctimaiyyətlə əlaqələr və marketinq şöbəsinin müdiri Xülya Sabirli, şöbənin baş mütəxəssisi Günel Tağıyeva və tələbə-startapçı İsmayıl Hacıyev iştirak edib. Stenddə universitetin təhsil imkanları, beynəlxalq əməkdaşlıqları, innovasiya ekosistemi, tələbə layihələri və startap təşəbbüsləri barədə ətraflı məlumat təqdim olunur.

Forum çərçivəsində ADNSU tələbələrinin hazırladığı innovativ startap layihələri də sərgilənir. Təqdim olunan layihələr dayanıqlı texnologiyalar, təhlükəsizlik və ağıllı həllər istiqamətində gənclərin innovativ yanaşmalarını nümayiş etdirir.

Sərgidə nümayiş olunan layihələrdən biri ADNSU-nun Biznes Administrasiyası proqramının 2-ci kurs tələbəsi İsmayıl Hacıyevin təsis etdiyi “AIRT” (Azerbaijan Intelligent Robotics Technologies) startapıdır. Hazırda prototip mərhələsində olan layihə neft və qaz sənayesində avtonom inspeksiya proseslərinin həyata keçirilməsi üçün robot texnologiyalarının tətbiqini nəzərdə tutur. Startapın əsas məqsədi təhlükəli istehsalat sahələrində insan faktorunun minimuma endirilməsi, risklərin azaldılması və əməliyyat təhlükəsizliyinin artırılmasıdır. Layihə çətin və riskli mühitlərdə insanların yerinə robotların fəaliyyət göstərməsini təmin etməyə yönəlib.

Qeyd edək ki, “AIRT” startapı ADNSU və IDEA İctimai Birliyinin birgə həyata keçirdiyi “IDEALIZE” inkubasiya proqramının qaliblərindən biri olub. Layihə innovativ texnologiyaların sənayedə tətbiqi və gələcəkdə real istehsalat mühitinə inteqrasiya potensialı ilə diqqət çəkir.

Forumda təqdim olunan digər layihə isə ADNSU-nun İnformasiya Təhlükəsizliyi fakültəsinin I kurs tələbəsi Arzu Balakişiyevanın müəllifi olduğu “Green Ozone” layihəsidir. Layihə smart ozonator cihazı vasitəsilə suyun təmizlənməsini təmin edən innovativ və ekoloji yönümlü texnologiya təqdim edir.

Layihənin işləmə prinsipi günəş enerjisindən istifadə əsasında qurulub. Günəş paneli vasitəsilə əldə olunan enerji batareyada toplanır, invertor vasitəsilə sabit cərəyandan dəyişən cərəyana çevrilir və mikrokontrollerin köməyi ilə ozonatorun müəyyən edilmiş zaman intervalında avtomatik fəaliyyəti təmin olunur. Geri sayım düyməsinə basıldıqdan sonra cihaz avtomatik şəkildə işə düşür, rele modulu isə dövrəni ayıraraq ozonatorun istifadəçi müdaxiləsi olmadan fəaliyyətini dayandırır. Layihə həm enerji səmərəliliyi, həm də ekoloji dayanıqlılıq baxımından diqqət çəkən həll modeli kimi təqdim olunur.

Forum çərçivəsində ADNSU-nun bir sıra əməkdaşları və universitetdə təhsil alan əcnəbi tələbələr də sərgi ilə tanış olublar. Eyni zamanda universitetin müxtəlif fakültələrində təhsil alan tələbələr beynəlxalq tədbirdə könüllü qismində iştirak edərək təşkilati proseslərə dəstək göstərirlər.

Qeyd edək ki, mayın 22-dək davam edəcək forum çərçivəsində müxtəlif görüşlər, assambleya sessiyaları, sərgilər və urbanizasiya, dayanıqlı inkişaf, iqlim çağırışları və gələcəyin şəhərləri ilə bağlı müzakirələr keçirilir.

ADNSU-da keçirilən XVII Məzun–Karyera Sərgisində 70-dən çox şirkət iştirak edib

Mayın 14-də Azərbaycan Dövlət Neft və Sənaye Universitetində (ADNSU) XVII Məzun–Karyera Sərgisi keçirilib. 

“Şəhərsalma və Memarlıq İli” çərçivəsində təşkil olunan sərgidə 70-dən çox yerli və beynəlxalq şirkət iştirak edib. SOCAR Polymer, BP Azerbaijan, “Azərenerji”, “Azərsun Holdinq”, Nobel Energy, Deloitte, Saipem, EY Azerbaijan, Turan Drilling və digər nüfuzlu şirkətlər tələbə və məzunlara vakansiya və təcrübə proqramlarını təqdim ediblər.

ADNSU-nun Məzunlarla iş və Karyera Mərkəzinin təşkilatçılığı və ADNSU TGT nəzdində fəaliyyət göstərən “CareerPlus” klubunun dəstəyi ilə keçirilən sərginin açılış mərasimində çıxış edən ADNSU-nun rektoru, dosent Rüfət Əzizov iştirakçıları salamlayaraq XVII Məzun–Karyera Sərgisinin universitetlə sənaye müəssisələri arasında əməkdaşlığın inkişafı baxımından mühüm platforma olduğunu bildirib. Rektor bu cür sərgilərin tələbə və məzunların əmək bazarının tələbləri ilə yaxından tanış olmasına, nəzəri biliklərini praktik bacarıqlarla möhkəmləndirməsinə, işəgötürənlərlə birbaşa əlaqə qurmasına və gələcək peşə fəaliyyətinə daha hazırlıqlı şəkildə başlamaları üçün fürstət kimi dəyərləndirib.

ADNSU-nun sənaye müəssisələri ilə əməkdaşlığının ildən-ilə genişləndirildiyini diqqətə çatdıran Rüfət Əzizov universitet məzunlarının işə düzəlmə göstəricisinin yüksək olduğunu bildirib. O, bunu ADNSU-da hazırlanan ixtisaslı kadrların ölkənin neft-qaz, energetika, informasiya texnologiyaları və digər strateji sahələrində böyük tələbat görməsinin göstəricisi kimi qiymətləndirib.

Tədbir çərçivəsində iştirakçılar sərgi stendləri ilə tanış olub, şirkət nümayəndələri ilə görüşlər keçiriblər. Tələbə və məzunlar şirkət nümayəndələri ilə birbaşa ünsiyyət quraraq karyera imkanları, işə qəbul prosesi və peşə inkişafı istiqamətində məlumat əldə ediblər.

Qeyd edək ki, sərginin əsas məqsədi tələbə və məzunların əmək bazarı ilə əlaqələrinin gücləndirilməsi, onların peşəkar inkişafına dəstək göstərilməsi və universitet–sənaye əməkdaşlığının genişləndirilməsi olub.

ADNSU-da “Elmi İnnovasiyalar və Dayanıqlı Texnologiyalar” mövzusunda Respublika elmi-praktiki konfransı keçirilib

Mayın 13-də Azərbaycan Dövlət Neft və Sənaye Universitetində (ADNSU) Ümummilli Lider Heydər Əliyevin anadan olmasının 103-cü ildönümünə həsr olunmuş “Elmi İnnovasiyalar və Dayanıqlı Texnologiyalar” mövzusunda magistrantların və gənc tədqiqatçıların Respublika elmi-praktiki konfransının açılış mərasimi keçirilib. 

Konfransın açılış tədbirində universitet rəhbərliyi, professor-müəllim heyəti, gənc tədqiqatçılar və qonaqlar iştirak ediblər. Açılış mərasimində əvvəlcə Azərbaycan Respublikasının Dövlət Himni səsləndirilib, ardınca Ulu Öndər Heydər Əliyevin və ölkəmizin ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edilib. 

Elm və innovasiya məsələləri üzrə prorektor, dosent Elviz İsmayılov çıxışında konfransa təqdim olunan məruzələrin statistik göstəriciləri barədə ətraflı məlumat verib. O, konfransa 349 müraciətin daxil olduğunu, onlardan 281-nin qəbul edildiyini bildirib. O qeyd edib ki, müraciətlər 34 yerli və xarici ali təhsil və elmi müəssisədən daxil olub. Elviz İsmayılov həmçinin ən çox müraciətin informasiya texnologiyaları və avtomatlaşdırma, iqtisadiyyat və menecment bölmələri üzrə qeydə alındığını diqqətə çatdırıb.

ADNSU-nun rektoru, dosent Rüfət Əzizov çıxışında gənclərin elmi fəaliyyətə cəlb olunmasının və tədqiqat potensialının inkişaf etdirilməsinin vacibliyini vurğulayıb. O bildirib ki, ADNSU-nun elmi-tədqiqat universitetinə çevrilməsi istiqamətində ardıcıl işlər həyata keçirilir, gənc tədqiqatçılar üçün müasir elmi mühitin formalaşdırılması və elmi infrastrukturun gücləndirilməsi məqsədilə mühüm addımlar atılır. Bu istiqamətdə yaxın zamanda universitetdə 18 yeni laboratoriyanın yaradılması nəzərdə tutulur.

Rektor həmçinin dayanıqlı texnologiyalar və elmi innovasiyaların tətbiqinin genişləndirilməsi, sənaye müəssisələri ilə əməkdaşlığın artırılması, doktorant və magistrantların elmi fəaliyyətə cəlb olunması, eləcə də ikili doktorantura və birgə tədqiqat layihələrinin inkişaf etdirilməsi istiqamətində işlərin davam etdirildiyini bildirib. O qeyd edib ki, həyata keçirilən tədbirlərin əsas məqsədi gənclərin elmə marağının artırılması və onlar üçün daha geniş elmi imkanların yaradılmasıdır.

Tədbirdə çıxış edən ADNSU-nun nəzdində Heydər Əliyev Məktəbinin direktoru, tələbə Sənan Hüseynov Ümummilli Lider Heydər Əliyevin elmə, təhsilə və gənclərin inkişafına göstərdiyi diqqət və qayğıdan bəhs edib. Bildirib ki, Ulu Öndərin müəyyən etdiyi inkişaf strategiyası bu gün də Azərbaycan gənclərinin elmi potensialının formalaşmasında mühüm rol oynayır.

Sonda Ümummilli Lider Heydər Əliyevin həyat və fəaliyyətinə həsr olunmuş qısametrajlı film nümayiş olunub. 

Konfrans öz işini bölmə iclasları ilə davam etdirib. 

Ümummilli Lider Heydər Əliyevin 103-cü ildönümünə və UFAZ-ın 10 illiyinə həsr olunmuş marafon yarışı keçirilib

Mayın 10-da Ümummilli Lider Heydər Əliyevin anadan olmasının 103-cü ildönümünə və Azərbaycan-Fransız Universitetinin (UFAZ) fəaliyyətinin 10 illiyinə həsr olunmuş “UFAZ – 10” marafon yarışı keçirilib.

Yarış Azərbaycan Respublikası Elm və Təhsil Nazirliyi, Gənclər və İdman Nazirliyi, Yeni Azərbaycan Partiyası, Azərbaycan Atletika Federasiyası, Azərbaycan SavatFederasiyası, ADNSU Tələbə Həmkarlar İttifaqı Komitəsi və “Azərsun”un dəstəyi ilə təşkil olunub.

Beynəlxalq idman standartlarına uyğun keçirilən marafon “Yeddi Gözəl” musiqili fəvvarə kompleksindən başlayaraq “Baku Crystal Hall” istiqamətində davam edib. Ümumi məsafəsi 10 kilometr olan yarışda 192 iştirakçı mübarizə aparıb. Qeydiyyat hər kəs üçün açıq olub və iştirakçılar kişilər, qadınlar və tələbələr kateqoriyaları üzrə yarışıblar.

Tədbirin əsas məqsədi gənclər arasında sağlam həyat tərzinin təşviqi, fiziki aktivliyin artırılması, tələbələr və idmansevərlərarasında ünsiyyətin, həmrəyliyin və komanda ruhunun gücləndirilməsi olub. UFAZ-ın 10 illik yubileyi münasibətilə təşkil olunan marafon universitet icmasını, tələbələri, məzunları və tərəfdaşları bir araya gətirən əlamətdar tədbir kimi yadda qalıb.

Tədbirdə çıxış edən ADNSU-nun rektoru, dosent Rüfət Əzizov UFAZ-ın ötən 10 il ərzində Azərbaycan ali təhsil məkanında xüsusi yer qazandığını və beynəlxalq təhsil modelinin uğurlu nümunəsinə çevrildiyini qeyd edib. Rektor bildirib ki, ADNSU-nun nəzdində fəaliyyət göstərən UFAZ yüksək ixtisaslı kadrların hazırlanmasına mühüm töhfə verir.

ADNSU-nun strateji məsələlər üzrə prorektoru, dosent VazehƏskərov isə çıxışında UFAZ-ın 10 illik fəaliyyəti dövründə qazandığı uğurlardan, tələbə və məzunlarının nailiyyətlərindən, eləcə də beynəlxalq tərəfdaşlıq imkanlarından danışıb. O, marafonun yalnız idman yarışı deyil, həm də UFAZ-ın 10 illik inkişaf yolunu simvolizə edən tədbir olduğunu vurğulayıb.

Yarışın nəticələrinə əsasən, kişilər kateqoriyası üzrə I yerə Əli Rzazadə, II yerə Tural Hüseynli, III yerə Samir Hüseynov layiq görülüb. Qadınlar kateqoriyasında I yeri TatyanaƏliyeva, II yeri Yuliya Belkova, III yeri Mahsa Palar tutub. Tələbələr arasında isə I yerin qalibi Əhsən Əliyev, II yerin qalibi Kamal Rzayev, III yerin qalibi Ayxan Ağayev olub.

Qaliblər təşkilatçılar tərəfindən mükafatlandırılıb. Yarış iştirakçılar və qonaqlar tərəfindən böyük maraqla qarşılanıb.

Qeyd edək ki, UFAZ Azərbaycan Dövlət Neft və Sənaye Universitetinin nəzdində fəaliyyət göstərir və Strasburq Universiteti ilə birgə bakalavr və magistratura səviyyələrində ikili diplom proqramları təklif edir. UFAZ 10 illik fəaliyyəti ərzində Azərbaycanda beynəlxalq ali təhsil modelinin inkişafına, mühəndislik və texnologiya sahələrində müasir bilik və bacarıqlara malik beynəlxalq səviyyəli mütəxəssislərin hazırlanmasına töhfə verib.

ADNSU-da Ulu Öndər Heydər Əliyevin anadan olmasının 103-cü ildönümü qeyd olunub

Azərbaycan Dövlət Neft və Sənaye Universitetində (ADNSU) Ümummilli Lider Heydər Əliyevin anadan olmasının 103-cü ildönümünə həsr olunmuş “Tariximizin yaddaşında yaşayan xilaskar ömür” adlı tədbir keçirilib. ADNSU nəzdində Heydər Əliyev Məktəbinin təşkilatçılığı ilə keçirilən tədbirdə iştirakçılar əvvəlcə Ulu Öndər Heydər Əliyevin büstü önünə gül dəstələri düzərək onun əziz xatirəsini dərin ehtiramla yad ediblər.

Tədbir Azərbaycan Respublikasının Dövlət Himninin səsləndirilməsi və Azərbaycanın ərazi bütövlüyü uğrunda canlarından keçən şəhidlərin əziz xatirəsinin bir dəqiqəlik sükutla yad edilməsi ilə başlayıb.

Tədbirdə açılış nitqi ilə çıxış edən ADNSU-nun rektoru, dosent Rüfət Əzizov Ümummilli Lider Heydər Əliyevin Azərbaycanın müasir dövlətçilik tarixindəki müstəsna rolundan danışıb. Rektor qeyd edib ki, Ulu Öndərin müəyyənləşdirdiyi inkişaf strategiyası nəticəsində Azərbaycan qısa müddətdə regionun aparıcı dövlətinə çevrilib, elm və təhsil sahəsində mühüm nailiyyətlər əldə olunub. O, Heydər Əliyevin xüsusilə gənclərə göstərdiyi diqqət və qayğının bu gün Prezident İlham Əliyev tərəfindən uğurla davam etdirildiyini vurğulayaraq, müasir Azərbaycan gəncliyinin milli-mənəvi dəyərlərə bağlı, yüksək intellektual potensiala malik və vətənpərvər ruhda formalaşmasının dövlət siyasətinin əsas prioritetlərindən biri olduğunu bildirib. 

Daha sonra çıxış edən Millət vəkili, ADA Universitetinin prorektoru, İnkişaf və Diplomatiya İnstitutunun direktoru Fariz İsmayılzadə Ümummilli Lider Heydər Əliyevin uzaqgörən siyasətindən, Azərbaycanın beynəlxalq nüfuzunun möhkəmləndirilməsi istiqamətində həyata keçirdiyi mühüm islahatlardan danışıb. Fariz İsmayılzadə xüsusilə gənclərin vətənpərvər, dövlətçilik ənənələrinə sadiq və milli-mənəvi dəyərlərə bağlı bir nəslin nümayəndələri kimi inkişaf etdirilməsinin vacibliyini vurğulayıb.

Yeni Azərbaycan Partiyası Səbail rayon təşkilatının sədri Muxtar Nağıyev çıxışında Heydər Əliyevin siyasi fəaliyyəti Azərbaycan xalqının milli birlik və həmrəyliyinin möhkəmlənməsində mühüm rolundan danışaraq Ulu Öndərin rəhbərliyi dövründə ölkədə sabitliyin təmin olunduğunu, dövlət institutlarının formalaşdırıldığını və Azərbaycanın gələcək inkişafının möhkəm təməlin qoyulduğunu vurğulayıb. 

Yeni Azərbaycan Partiyası Nəsimi rayon təşkilatının sədr müavini Abbas Pənahov isə çıxışında Heydər Əliyev ideyalarının bu gün də aktuallığını qoruyub saxladığını qeyd edib. O, Ümummilli Liderin müəyyən etdiyi siyasi kursun Prezident İlham Əliyevin rəhbərliyi ilə yeni mərhələdə uğurla davam etdirdiyini bildirib. 

Daha sonra ADNSU nəzdində Heydər Əliyev Məktəbinin direktoru, tələbə Sənan Hüseynov çıxış edərək Ulu Öndərin zəngin siyasi irsinin gənc nəslin formalaşmasında mühüm rol oynadığını bildirib. 

Tədbir çərçivəsində Ümummilli Lider Heydər Əliyevin irsinin təbliğində fəal iştirak edən bir qrup tələbə təltif olunub.

Tədbirin bədii hissəsində Mədinə Abdullayevanın təqdimatında Bəxtiyar Vahabzadənin “Vətən marşı” şeiri səsləndirilib. ADNSU-nun “Gənclik” mahnı və rəqs ansamblının təqdim etdiyi “Bayram” rəqsi ifa olunub.

ADNSU-nun kollektivi Fəxri Xiyabanda Ulu Öndər Heydər Əliyevin məzarını ziyarət ediblər

Azərbaycan Dövlət Neft və Sənaye Universitetinin (ADNSU) rektoru, dosent Rüfət Əzizov və universitetin əməkdaşları Fəxri Xiyabanda Ulu Öndər Heydər Əliyevin məzarını ziyarət ediblər.

Ziyarət zamanı Ümummilli Lider Heydər Əliyevin məzarı önünə əklil qoyulub, xatirəsi ehtiramla anılıb. Dosent Rüfət Əzizov görkəmli oftalmoloq-alim, akademik Zərifə xanım Əliyevanın da xatirəsini ehtiramla anıb, məzarı önünə gül dəstələri qoyub.

Təhsil işçiləri üçün təşkil olunan “Novruz 2026” düşərgəsi xoş anlarla yadda qalıb

Elm və Təhsil İşçiləri Həmkarlar İttifaqı (ETİHİ) Respublika Komitəsi tərəfindən martın 26-dan 30-dək Nabranda “Təhsil” İstirahət Mərkəzində ali təhsil müəssisələrinin əməkdaşları üçün “Novruz 2026” düşərgəsi təşkil olunub.

Düşərgə çərçivəsində ölkənin müxtəlif ali təhsil müəssisələrini təmsil edən yüzlərlə təhsil işçisi bir araya gələrək səmərəli və zövqlü istirahət imkanı əldə edib. İştirakçılar arasında Azərbaycan Dövlət Neft və Sənaye Universitetinin (ADNSU) əməkdaşları da yer alıb və onlar bayram günlərini xoş əhval-ruhiyyə ilə keçiriblər.

Proqram çərçivəsində iştirakçılar üçün müxtəlif maarifləndirici təlimlər, əyləncəli yarışlar və komanda oyunları təşkil olunub. Bu fəaliyyətlər həm iştirakçıların bilik və bacarıqlarının inkişafına, həm də kollektiv ruhun güclənməsinə töhfə verib.

“Novruz 2026” düşərgəsi iştirakçılar üçün yalnız istirahət deyil, həm də yeni tanışlıqlar, təcrübə mübadiləsi və unudulmaz bayram xatirələri ilə yadda qalıb.

ADNSU kollektivi 31 mart – Azərbaycanlıların Soyqırımı Günü ilə əlaqədar Quba “Soyqırımı Memorial Kompleksi”ni ziyarət edib

1918-ci il azərbaycanlılara qarşı soyqırımların 108-ci ildönümü ilə əlaqədar Azərbaycan Dövlət Neft və Sənaye Universitetinin (ADNSU) rəhbər heyəti və kollektivi universitetin Həmkarlar İttifaqı Komitəsinin (HİK) təşkilatçılığı ilə Quba “Soyqırımı Memorial Kompleksi”ni ziyarət edib.

Ziyarət çərçivəsində ADNSU kollektivi kompleksdə nümayiş olunan tarixi faktlar və materiallarla tanış olub, 1918-ci ildə azərbaycanlılara qarşı törədilmiş qırğınlar haqqında ətraflı məlumat əldə ediblər.

Daha sonra memorial kompleksdə 31 mart soyqırımı ilə bağlı seminar keçirilib. Seminarda həmin dövrdə baş verən hadisələrin mahiyyəti, səbəbləri və nəticələri barədə geniş məlumat verilib. Qeyd olunub ki, bu faciənin unudulmaması və gələcək nəsillərə düzgün çatdırılması mühüm əhəmiyyət kəsb edir.

Seminarda çıxış edən ADNSU-nun rektoru, dosent Rüfət Əzizov tarixi yaddaşın qorunmasının vacibliyini vurğulayaraq, belə ziyarətlərin gənclərin və cəmiyyətin maarifləndirilməsində xüsusi rol oynadığını bildirib.

İştirakçılar soyqırımı qurbanlarının xatirəsini ehtiramla yad ediblər.

Qeyd edək ki, Quba soyqırımı məzarlığı 2007-ci il aprelin 1-də ərazidə torpaq işləri aparılarkən aşkarlanıb. Tədqiqatlar nəticəsində məzarlığın 1918-ci ildə ermənilərin yerli dinc əhaliyə qarşı törətdikləri soyqırımı ilə bağlı olduğu müəyyən edilib. Memorial kompleks Heydər Əliyev Fondunun dəstəyi ilə 2013-cü ildə yaradılıb. 

Prezident İlham Əliyevin 2009-cu il 30 dekabr tarixli Sərəncamı ilə Quba Soyqırımı Memorial Kompleksinin yaradılmasına başlanılıb. Heydər Əliyev Fondunun dəstəyi ilə yaradılan kompleks 2013-cü il sentyabrın 18-də açılıb.